कडोली | प्रतिनिधी :
कर्नाटक सरकारच्या पशुसंवर्धन व पशुवैद्यकीय सेवा विभागांतर्गत तसेच नाबार्ड आरआयडीएफ-३० योजनेच्या माध्यमातून कडोली येथे नव्या पशुवैद्यकीय दवाखाना इमारतीच्या बांधकामाचा भूमीपूजन समारंभ उत्साहात पार पडला.
या पशुवैद्यकीय दवाखान्याच्या नवीन इमारतीचे भूमीपूजन युवा नेते राहुल जारकीहोळी यांच्या शुभहस्ते करण्यात आले.
नाबार्ड आरआयडीएफ-३० योजनेअंतर्गत या इमारतीसाठी अंदाजे ४८.३४ लाख रुपयांचे अनुदान मंजूर करण्यात आले असून, हा निधी पालकमंत्री व लोकोपयोग मंत्री सतीश जारकीहोळी यांच्या प्रयत्नातून मंजूर झाले आहे.
या नव्या इमारतीमुळे कडोलीसह परिसरातील शेतकरी व पशुपालकांना आधुनिक व दर्जेदार पशुवैद्यकीय सुविधा उपलब्ध होणार असून, पशुसंवर्धन क्षेत्राला मोठी चालना मिळणार आहे.
कार्यक्रमास केपीसीसी सदस्य मलगौडा पाटील, ग्रामपंचायत अध्यक्ष, उपाध्यक्ष, सदस्य तसेच मोठ्या संख्येने शेतकरी व ग्रामस्थ उपस्थित होते. उपस्थित मान्यवरांनी या उपक्रमाचे स्वागत करत ग्रामीण भागातील विकासासाठी हा प्रकल्प महत्त्वाचा ठरेल, असा विश्वास व्यक्त केला.
