बेळगाव (प्रतिनिधी):
बेळगावातील दक्षिणकाशी म्हणून ओळखल्या जाणाऱ्या कपिलेश्वर मंदिरात श्री काळभैरवनाथ जयंती महोत्सव भक्तिभावाने आणि उत्साहात पार पडला. दिनांक १२ नोव्हेंबर रोजी या जयंतीनिमित्त विविध धार्मिक कार्यक्रमांचे आयोजन करण्यात आले होते.
मंदिरात सकाळी विशेष रुद्राभिषेक तसेच कालभैरव स्तोत्र पठण करण्यात आले. या विधींचे पूजनकार्य मंदिराचे अध्यक्ष राहुल कुरणे आणि प्रमुख उपस्थित मान्यवर अमित देसाई यांच्या हस्ते पार पडले.
https://youtube.com/shorts/cD_c0GhpWqQ?si=aDimyDa1MY73LC1S
यानंतर विशेष पुष्पार्चना, तसेच महिला सेवेकऱ्यांनी पारंपरिक पद्धतीने कालभैरव पाळणा पूजन आणि पाळणा गायन करून भक्तीमय वातावरण निर्माण केले.
दिवसअखेर महाआरती व प्रसाद वाटप करण्यात आले. या वेळी मंदिराचे सर्व ट्रस्टी, सेवेकरी व स्थानिक भाविक मोठ्या संख्येने उपस्थित होते.
या धार्मिक सोहळ्यामुळे संपूर्ण परिसरात भक्तीचा माहोल निर्माण झाला होता.
