पाच वर्षांच्या मुलावर भटक्या कुत्र्याने केला हल्ला
शहरात भटक्या कुत्र्यांचा उपद्रव वाढला आहे.येथील अनगोळ इंदिरा नगरमध्ये काल एका पाच वर्षांच्या मुलावर भटक्या कुत्र्याने हल्ला केला. त्यामुळे बालक जखमी झाला आहे.
यावेळी मुलाच्या रडण्याचा आवाज शेजाऱ्यांनी ऐकून मुलाला कुत्र्यापासून वाचवले. सध्या या मुलावर जिल्हा रुग्णालयात उपचार सुरू असून तो धोक्याबाहेर आहे.
अनगोळ येथील सरकारी शाळेला लागूनच अनेक भटकी कुत्री आहेत. ही भटकी कुत्री अनेकांचा चावा घेत आहेत भटक्या कुत्र्यांचा उपद्रव रोखण्यासाठी कारवाई न केल्यास तीव्र आंदोलन छेडू असा इशारा नागरिकांनी दिला आहे
