तिलारी घाटात कंटेनर अडकल्याने दोन तासाहून अधिक काळ वाहतूकीची कोंडी झाली होती.
तिलारी घाटातून आता वाहतूक मोठ्या प्रमाणावर सुरु असून मालवाहू अवजड वाहने या मार्गांवरून जात असतात. शनिवारी सकाळी तिलारी घाटात एका वळणावर कंटेनर अडकल्याने दोन्ही बाजूना वाहनांची रांग लागली होती. त्यामुळे पोलिसांना वाहतूकीचे नियोजन करताना दमछाक झाली.https://dmedia24.com/dr-shivaji-kagnikar-needs-to-save-and-conserve-biodiversity/
अखेर जे सी बी च्या साहाय्याने कंटेनर बाजूला काढण्यात आला. नंतर दोन्ही बाजूची वाहतूक खुली करण्यात आली. आंबोली आणि चोर्ला मार्गे अव जड वाहनांना सोडले जात नाही. त्यामुळे दहा टनाच्या वरील वाहतूक करणारी वाहने तिलारी मार्गे गोव्यात ये जा करत असतात. वारंवार तिलारी घाटात उदभवणारी वाहतूक समस्या सोडवण्यासाठी उपाययोजना करण्याची मागणी करण्यात येत आहे.