बेळगाव, प्रतिनिधी –
विशेष ऑलिम्पिक भारत राष्ट्रीय जलतरण स्पर्धा २०२५ मध्ये बेळगावच्या दोन पॅरा जलतरणपटूंनी आपले वर्चस्व सिद्ध केले आहे. स्विमर्स क्लब बेळगाव व अक्वेरियस स्विम क्लब बेळगाव येथील शरण्या एस. कुम्बार व सुप्रिया वाय. शिंदोलकर यांनी ताकद, वेग आणि जिद्दीच्या जोरावर एकूण ५ पदके पटकावत बेळगावचा मान उंचावला.
ही स्पर्धा ३ ते ७ ऑगस्ट २०२५ दरम्यान मुंबईतील एस.व्ही.पी. कांदिवली येथे पार पडली.
🥇 पदकांची कमाई
शरण्या एस. कुम्बार (श्रेणी S14 – बौद्धिकदृष्ट्या दुर्बल):
सुवर्ण : ५० मी. बटरफ्लाय
रौप्य : ५० मी. मिक्स्ड रिले
सुप्रिया वाय. शिंदोलकर (श्रेणी S14 – बौद्धिकदृष्ट्या दुर्बल):
रौप्य : १०० मी. फ्रीस्टाईल
रौप्य : ५० मी. बटरफ्लाय
रौप्य : ५० मी. मिक्स्ड रिले
यामुळे बेळगावच्या या जलतरणपटूंनी एक सुवर्ण व चार रौप्य पदकं जिंकून एकूण ५ पदकांची भव्य कमाई केली.
🏊♀️ मार्गदर्शन व पाठबळ
दोन्ही खेळाडूंचा सराव केएलईच्या सुवर्णा जेएनएमसी ऑलिम्पिक साईझ जलतरण तलावात होत असून प्रशिक्षक उमेश काळघटगी, अक्षय शेरगर, अजिंक्य मेंडके, नितीश कुदुचकर, गोवर्धन काकतकर व इम्रान उचगावकर यांच्या मार्गदर्शनाखाली ते मेहनत घेत आहेत.
या यशामागे डॉ. प्रभाकर कोरे (चेअरमन, केएलई सोसायटी), श्री. जयंतीलाल हम्बरवाडी (अध्यक्ष, जयभारत फाऊंडेशन), राम मल्ल्या (अलाइड फाउंडर्स प्रा. लि.), एसएलके ग्रुप बेंगळुरू, रोटेरियन अविनाश पोटदार, श्रीमती मॅनेक कापडिया, श्रीमती लता कित्तुर, सुधीर कुसाने, प्रसाद तेंडोलकर आणि अनेक शुभेच्छुक यांचे अमूल्य सहकार्य लाभले आहे.
