ಬೆಳಗಾವಿ : ಪರಮಪೂಜ್ಯ ಶ್ರೀ ಶ್ರೀ 1008 ಪೀರ್ಜೀ ಶ್ರೀ ಶಾಂತಿನಾಥಜಿ ಮಹಾರಾಜರ ಪುಣ್ಯತಿಥಿಯ ಅಂಗವಾಗಿ ಬೆಳಗಾವಿ ನಗರದ ರೂಪಾಲಿ ಟಾಕೀಸ್ ಹಾಲ್‌ನಲ್ಲಿ ರಾಜಪೂತ ಸಮಾಜದ ವತಿಯಿಂದ ವಿಶೇಷ ಪೂಜೆ ಹಾಗೂ ಶ್ರದ್ಧಾಂಜಲಿ ಕಾರ್ಯಕ್ರಮ ನಡೆಯಿತು.
ಕಾರ್ಯಕ್ರಮದಲ್ಲಿ ಸಮಾಜದ ಬಾಂಧವರು ಪೀರ್ಜೀ ಶಾಂತಿನಾಥಜಿ ಮಹಾರಾಜರ ಸ್ಮರಣೆಯನ್ನು ಮಾಡಿಕೊಂಡು ಭಕ್ತಿಭಾವದಿಂದ ಗೌರವ ನಮನ ಸಲ್ಲಿಸಿದರು. ಧಾರ್ಮಿಕ ವಾತಾವರಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಸಮಾಜದ ಪದಾಧಿಕಾರಿಗಳು, ಹಿರಿಯರು ಹಾಗೂ ಸಮಾಜದ ಸದಸ್ಯರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗವಹಿಸಿದ್ದರು.
ಈ ಸಂದರ್ಭದಲ್ಲಿ “ಪ್ರಣಮುಂ म्हारा ಪೀರ್ಜೀ, ನಮೋ ನಮೋ ನವ ನಾಥ। ಜಯ ಜಯ ಶಾಂತಿನಾಥಜಿ, ಸಿರ್ ಪರ ಧರ್ಜೋ ಹಾಥ॥” ಎಂಬ ಭಕ್ತಿಗೀತೆಯ ಮೂಲಕ ಪೀರ್ಜೀ ಮಹಾರಾಜರಿಗೆ ಗೌರವ ಸಮರ್ಪಿಸಲಾಯಿತು.
ಬಿಜೆಪಿ ಮುಖಂಡ ಮೃಗೇಂದ್ರ ಗೌಡ ಪಾಟೀಲ್ ಉಪಸ್ಥಿತಿ
ಕಾರ್ಯಕ್ರಮಕ್ಕೆ ಬಿಜೆಪಿ ಮುಖಂಡ ಮೃಗೇಂದ್ರ ಗೌಡ ಪಾಟೀಲ್ ಅವರನ್ನು ಮುಖ್ಯ ಅತಿಥಿಯಾಗಿ ಆಹ್ವಾನಿಸಲಾಗಿತ್ತು. ಅವರು ಕಾರ್ಯಕ್ರಮದಲ್ಲಿ ಪಾಲ್ಗೊಂಡು ಪೂಜೆ ಹಾಗೂ ಶ್ರದ್ಧಾಂಜಲಿ ಕಾರ್ಯಕ್ರಮದಲ್ಲಿ ಭಾಗವಹಿಸಿದರು.
ಈ ಸಂದರ್ಭದಲ್ಲಿ ರಾಜಪೂತ ಸಮಾಜದ ವತಿಯಿಂದ ಹಾಗೂ ಸಮಾಜದ ಪದಾಧಿಕಾರಿಗಳಿಂದ ಮೃಗೇಂದ್ರ ಗೌಡ ಪಾಟೀಲ್ ಅವರನ್ನು ಸನ್ಮಾನಿಸಲಾಯಿತು.
ಕಾರ್ಯಕ್ರಮದಲ್ಲಿ ಸಮಾಜದ ಗಣ್ಯರು ಪೀರ್ಜೀ ಶಾಂತಿನಾಥಜಿ ಮಹಾರಾಜರ ಕಾರ್ಯ ಹಾಗೂ ಅವರ ಸ್ಮರಣೆಯನ್ನು ಮೆಲುಕು ಹಾಕಿದರು. ಸಮಾಜದ ಒಗ್ಗಟ್ಟು, ಧಾರ್ಮಿಕ ಪರಂಪರೆ ಹಾಗೂ ಸಾಂಸ್ಕೃತಿಕ ಪರಂಪರೆಯನ್ನು ಮುಂದಿನ ಪೀಳಿಗೆಗೂ ಉಳಿಸಿ ಬೆಳೆಸುವ ಅಗತ್ಯದ ಕುರಿತು ಸಂದೇಶ ನೀಡಲಾಯಿತು.
ಕಾರ್ಯಕ್ರಮದಲ್ಲಿ ರಾಜಪೂತ ಸಮಾಜದ ಪ್ರಮುಖ ಪದಾಧಿಕಾರಿಗಳು, ಸಮಾಜಬಾಂಧವರು ಹಾಗೂ ನಾಗರಿಕರು ಉಪಸ್ಥಿತರಿದ್ದರು.
