*हलगा राष्ट्रीय महामार्गावरील भिषण अपघातात किन्नर गंभीर जखमी*

बेळगाव:तालुक्यातील हलगा राष्ट्रीय महामार्गावरील भिषण अपघातात किन्नर गंभीर जखमी झाले. मिळालेली माहिती अशी की उसाने भरलेल्या उभ्या असलेल्या ट्रकला मालवाहू वाहनाने धडक दिल्याने चालक जखमी तर किन्नर गंभीर जखमी झाला असून अपघातामुळे मालवाहू वाहनाचा समोरील भाग संपूर्ण चक्काचूर झाला आहे.

मालवाहू वाहन धारवाडकडून बेळगावच्या दिशेने येत होते.वाहनात अडकलेल्या किन्नरची सुटका करून त्याला बाहेर काढून जिल्हा रुग्णालयात हलविण्यात आले.
या अपघातात वाहनाचा किन्नर रवीकुमारचा पायाला जबर दुखापत झाली आहे. त्याच्यावर जिल्हा रुग्णालयात उपचार चालू आहेत. या घटनेची नोंद हिरेबागेवाडी पोलीस ठाण्यात करण्यात आली आहे.

Independent Journalism Can’t Be Independent Without Your Support, Contribute By Clicking Below.