*दिवाळीनिमित्त बाजारपेठत लोकांची मोठी गर्दी*

दिवाळी सण अवघ्या काही दिवसांवर येऊन ठेपला आहे.त्यानिमित्त बाजारपेठेत विविध प्रकारचे आकाश कंदील,आकर्षक तोरण,दिव्यांच्या माळा,वेगवेगळ्या प्रकारचे दिवे विक्रीसाठी ठेवण्यात आले आहेत.
यावर्षी चिनी आकाश कंदील बाजारपेठेतून हद्दपार झाल्याचे पाहायला मिळत असून पारंपरिक आकाश कंदिलांची मागणी वाढली आहे.

स्थानिक पातळीवर तयार झालेले आकाश कंदील विक्रेत्यांनी उपलब्ध केले आहेत.कागदापासून तयार केलेले,ज्यूट,बांबू,फोटो प्रिंट आकाश कंदीलाना विशेष मागणी आहे.विशेष म्हणजे बांबूचे आकाश कंदील वापरून झाल्यावर पुन्हा फोल्ड करून ठेवता येतात.आकाश कंदिलांची किंमत दोनशे रू पासून अडीच हजार रु पर्यंत आहे.

विविध प्रकारची रंगीबेरंगी आणि इको फ्रेंडली तोरणे उपलब्ध आहेत.तोरणांची किंमत दोनशे रू पासून पंधराशे रू पर्यंत आहे.इको फ्रेंडली भाताचे तोरण चारशे रू ला उपलब्ध आहे.दिवे पन्नास रू पासून पाचशे रू पर्यंत उपलब्ध आहेत.विविध रंगांच्या आकर्षक रांगोळ्या आणि रांगोळीचे छाप देखील विक्रीसाठी ठेवण्यात आले आहेत.

Independent Journalism Can’t Be Independent Without Your Support, Contribute By Clicking Below.