*बाप लेकांचा घटप्रभा नदीत बुडून मृत्यू*

बेळगाव:हुक्केरी तालुक्यातील बेनकनहोली गावाजवळील घटप्रभा नदीत वडील आणि दोन मुलांचा नदीत बुडून मृत्यू झाल्याची घटना घडली आहे.

बेनकनहोली गावातील लक्ष्मण राम‌ अंबली (४९) हा व  त्याची मुले रमेश अंबली (वय १४)व यल्लाप्पा अंबली (वय १२) वर्षांची दोन मुले बुडाल्याची माहिती मिळाली. लक्ष्मण व त्याची मुले रविवारी सायंकाळी घटप्रभा नदीच्या पुलावर दुचाकी उभी करून मासे पकडण्यासाठी नदीच्या पाण्यात उतरले होते.
मात्र, सोमवारी सकाळपर्यंत तो घरी न आल्याने चिंताग्रस्त कुटुंबीयांनी पोलिसांना माहिती दिली.

यमकनमर्डी पोलिसांनी घटनास्थळी भेट देऊन पाहणी केली.  सोमवारी सकाळपासून एनडीआरएफचे पथक या तिघांचा शोध घेत आहेत.ही यमकनमर्डी पोलीस स्टेशनच्या हद्दीत घडली असून शोध मोहीम सुरू असल्याची माहिती जिल्हा पोलीस अधीक्षक  डॉ भीमाशंकर गुळ्ळेद यांनी पत्रकारांना माहिती दिली.

Independent Journalism Can’t Be Independent Without Your Support, Contribute By Clicking Below.