 |
 |
 |
**कुटुंबीय भांडणात हिंसाचार; पोलिसांकडे तक्रार**
*निप्पाणी, १३ मार्च (वृत्त):* चिक्कोडी रोड, निप्पानी येथील एका कुटुंबीय भांडणात हिंसाचार आणि घरनुकसानीचा प्रकार घडल्याची तक्रार नोंदवण्यात आली आहे. तक्रारदार नागेश प्रकाश दुमाले (४१) म्हणतात, १० मार्च रात्री १२:४५ वाजता त्यांच्या नातेवाईक शिवानंद अशोक दुमाले (४९) यांनी त्यांच्या घरावर दगडफेक करून खिडक्यांच्या काचा फोडल्या, ज्यामुळे नागेशच्या मुलाच्या अंगावर काचांचे तुकडे पडले. या प्रसंगात नागेशच्या डाव्या हाताच्या बोटाला दगड लागून जखमही झाली. शिवाय, शिवानंद यांनी अश्लील भाषा वापरून जीवे मारण्याची धमकी दिल्याचेही नागेशने पोलिसांना सांगितले.
नागेशच्या म्हणण्यानुसार, घटनेदरम्यान शिवानंदने त्यांच्या मित्रांनाही शिवीगाळ केली. या संदर्भात बसवेश्वर चौक पोलिस स्टेशनमध्ये भारतीय न्याय संहितेच्या कलमांनुसार (११८(१), १२६(२), ३२४, ३५२) तक्रार नोंदवण्यात आली असून चौकशी सुरू आहे.
|
|
|
Independent Journalism Can’t Be Independent Without Your Support, Contribute By Clicking Below.
