श्री शिवप्रतिष्ठान हिंदुस्थान, बेळगावच्या वतीने शिवजयंती साजरी

श्री शिवप्रतिष्ठान हिंदुस्थान, बेळगाव च्या वतीने फाल्गुन वद्य तृतीया,शके 1943 या हिंदू तिथीनुसार शिवजयंती साजरी करण्यात आली. हा सोहळा छ.शिवाजी उद्यान येथे पार पडला. यावेळी प्रारंभी प्रेरणा मंत्र म्हणून कार्यक्रमाची सुरुवात झाली. त्यानंतर शिवाजी महाराजांच्या मूर्तीला दुग्धाभिषेक, जलाभिषेक घालून जिरेटोप चढवून पुष्पहार अर्पण करण्यात आला. यावेळी श्री शिवप्रतिष्ठान हिंदुस्थान चे जिल्हा प्रमुख किरण गावडे तसेच शहर कार्यवाह विश्वनाथ पाटील यांच्या हस्ते करण्यात आली. तसेच सामूहिक आरती  म्हणून महिलांच्या वतीने शिवरायांचा  पाळणा म्हणण्यात आला. यावेळी बोलताना किरण गावडे म्हणाले की छत्रपती शिवाजी महाराजांनी हिंदवी स्वराज्याची स्थापना केली. उभे आयुष्य परकिय सत्ताना धूळ चारली. आपल्या भाषेत असणारे परकीय शब्दप्रयोग काढून त्याला मराठी राजभाषा शब्दकोश तयार केला. मग अश्या राजांची आपण जयंतीही हिंदु तिथीनुसार च केली पाहिजे. गेली 25 वर्षे श्री शिवप्रतिष्ठान हिंदुस्थान च्या माध्यमातून आपण तिथीनुसार च जयंती साजरी करतो समाजाने ही तिथीनुसार च साजरी करावी. गेले 20 दिवस आपण बलिदान मास पाळत आहोत. त्यानिमित्त सांगली येथून येत्या काही दिवसात धर्मवीर ज्वाला आणण्यात येईल. आणि 1 एप्रिल रोजी धर्मवीर संभाजी महाराजांच्या पुण्यतिथीनिमित्त मुकपद यात्रा काढून विधिवत पूजनाने ती ज्वाला शांत करण्यात येईल. यासाठी आपण सर्वांनी जमायचे असे आवाहन करण्यात आले. यावेळी ध्येयमंत्राने पुजनाची सांगता करण्यात आली. संपूर्ण पूजेचे पौरोहित्य छत्रे गुरुजी,रवी जोशी, मोहन ओक यांनी केले. यावेळी पुंडलिक चव्हाण,अजीत जाधव, अनंत चौगुले, किरण बडवणाचे, चंदू चौगुले, भास्कर पाटील,अंकुश केसरकर, गजानन निलजकर,प्रमोद चौगुले, अतुल केसरकर,अभिजित अष्टेकर, गजानन पाटील, अमोल केसरकर, नितीन कुलकर्णी, अनंत कांबळे, विनायक जांगळे, गणेश जांगळे,नामदेव पिसे, विजय कुंटे, ओंकार पुजारी, वसंत आनंदाचे, युवराज पाटील, गिरीश कनेरी, महेश जांगळे, सदानंद मजूकर, मारुती पाटील, केतन मयेकर, उदित रेगे,शिवाजी गौंडाडकर, उमेश बिर्जे,  गिरीश पाटील, विनायक कुंडेकर, सचिन केळवेकर, शंकर भातकांडे, महेश  गावडे, गुंडू कदम, प्रमिला पाटील,सुलोचनाताई शिंदोळकर,इशा निलजकर,गौरी गवाने तसेच इतर महिला व शिवभक्त मोठ्या संख्येने उपस्थित होते.