जमीन बळकविण्याऱ्या पीडीओंवर कायदेशीर कारवाई करा
कोणतीही पूर्वसूचना न देता सरस्वती नगर येथील प्रताप सिंह कृष्णाजी मोहिते यांच्या प्लॉटची आणि शेडचे बेंनकनहळ्ळी ग्रामपंचायत सदस्य व पीडीओ सुजाता यांनी जेसीबी आणून नासधूस केली आहे. त्यामुळे जमीन मालकाने हा सर्व प्रकार चुकीचा असून आम्हाला न्याय मिळवून द्यावा अशी मागणी निवेदनाद्वारे केली आहे.
सरस्वती नगर मध्ये रस्त्यासाठी जागा निश्चित करण्यात आली आहे मात्र ती जागा सोडून बेकायदेशीरपणे प्लॉटमधून गटारी करण्याचा घाट पीडीओ ग्रामपंचायत सदस्यांनी घातला आहे. याबाबत जमिनी मालकाने अनेक वेळा नोटीस देऊन देखील त्याच्याकडे दुर्लक्ष करण्यात आली असल्याने त्यांनी ही बाब जिल्हाधिकाऱ्यांच्या निदर्शनास आणून दिली.
यावेळी जिल्हाधिकार्यालय मार्फत तहसीलदार या संपूर्ण प्रकरणाची शहानिशा करतील अशी ग्वाही देण्यात आली आहे. तसेच ग्रामपंचायत सदस्यांनी येथील प्लॉटचा संपूर्ण ताबा घेतला असून त्यामुळे मोहिते कुटुंबीय रस्त्यावर आले आहेत. फक्त मोहिते कुटुंबीय नाही तर सरस्वती नगर येथील अनेकांचे प्लॉट बळकविण्यात आले आहेत. त्यामुळे या सर्वांना न्याय मिळवून द्यावा आणि संबंधितांवर कायदेशीर कारवाई करावी अशी मागणी जिल्हाधिकाऱ्यांना निवेदनाद्वारे करण्यात आली आहे.
