बेलगाम रोलर स्केटिंग अकादमी आयोजित रोलर स्केटिंग चॅम्पियनशीप 2022 स्पर्धा उत्साहात संपन्न झाल्या. प्रजासत्ताकदिनाचे औचित्य साधून खासबाग श्रींगारी कॉलनी येथील ड्रीमज स्केटिंग रिंकवर झालेल्या या स्पर्धेत सुमारे 160 स्केटिंगपटूंनी भाग घेतला होता.
प्रमुख अतिथी संतोष श्रींगारी, तुकाराम शिंदे, सिद्धू संबर्गी, शंकर कांबळे, सतीश कुमार, प्रकाश शहापूरकर, श्री सुनील, स्केटिंग प्रशिक्षक सूर्यकांत हिंडलगेकर यांच्या उपस्थितीत स्पर्धेला चालना देण्यात आली.
स्पीड स्केटिंग प्रकारात 500 ते 1000 मीटर रिंग रेस मध्ये पाच वर्षांखालील मुलांच्या गटात श्लोक धोंगडी याने दोन सुवर्णपदके, पाच वर्षांखालील मुलींच्या गटात सायली जांगळे हिने एक सुवर्णपदक पटकाविले. पाच ते सात वर्षे वयोगटात मुलांच्या विभागात विधीत कल्याणकुमार यांने दोन सुवर्ण, अन्वित शिंगडी याने दोन रौप्य तर शिवाय पाटीलने दोन कांस्यपदके तर मुलींच्या विभागात अल्पिता गवस हिने दोन सुवर्ण, अनन्या पाटील हिने एक रौप्य एक कास्य तर रायांशी महागावकर हिने एक कास्य व एक रौप्यपदक पटकाविले.
सात ते नऊ वयोगटातील मुलांच्या विभागात आर्या कदम याने दोन सुवर्ण, स्वयम् पाऊसकर याने एक रौप्य, एक कास्य, ओमसाई लाड याने एक कास्य तर सद्गुण माधेद याने एक रौप्यपदक तर मुलींच्या विभागात ध्रुवा पाटील हिने दोन सुवर्ण, सानवी मेदार हिने दोन रौप्य तर ईश्वरी पवार हिने दोन कास्यपदके मिळविली.
नऊ ते अकरा वयोगटात मुलांच्या विभागात अवनीश कामनवर याने दोन सुवर्ण, कुलदीप बिर्जे याने दोन रौप्य तर कृष्णा गवस याने 2 कांस्यपदके तर मुलींच्या विभागात खुशी अगसीमनी याने दोन सुवर्ण, पूर्वी चौधरी हिने दोन रौप्य तर वैभवी राजमाने दोन कांस्यपदके मिळविली. 11 ते 14 वयोगटातील मुलांचा विभागात सौरभ साळुंखे याने दोन सुवर्ण, सोहन हिरेमठ यांने दोन रौप्य तर सोहम कंग्राळकर यांने दोन कांस्यपदके मिळविली. मुलींच्या विभागात अनघा जोशी हिने दोन सुवर्ण, जानवी तेंडुलकर हिने दोन रौप्य तर सानवी इटगीकरने दोन कांस्य पदके मिळवली. 14 ते 17 वयोगटात मुलांच्या विभागात साईसमर्थ अजाना यांने दोन सुवर्ण तर मुलींच्या विभागात विशाखा फुलवाले हिने दोन सुवर्ण व वैभवी कांबळे हिने दोन रौप्यपदके पटकाविली.
ईनलाइन स्केटिंग प्रकारात पाच ते सात वयोगटात मुलीच्या विभागात कियारा जाधव हिने एक सुवर्ण एक रौप्य, वसुंधरा बाकळे हिने एक सुवर्ण एक रौप्य तर दिव्या भवानीने दोन कांस्य पदके मिळविली. सात ते नऊ वयोगटात मुलांच्या विभागात अर्शन माडीवाले याने दोन सुवर्ण, धिमंत कुलकर्णी यांने दोन रौप्य तर मेधांश पवार याने 2 कांस्यपदके तर मुलींच्या विभागात आर्या नेथे हिने दोन सुवर्ण व संस्कृती भवानीने दोन रौप्य पदके मिळविली. नऊ ते अकरा वयोगटातील मुलांच्या विभागात ध्रुवा कुलकर्णी याने दोन सुवर्ण, शिवेंद्र पवार याने दोन रौप्य तर अमोध वांगुरे यांने दोन कांस्य पदके तर मुलींच्या विभागात अनवी सोनार हिने दोन सुवर्ण, आर्वी कोठारी हिने एक रौप्य, एक कास्य तर अक्षरा केंकरे हिने एक रौप्य व एक कांस्यपदक पटकाविले. 11 ते 14 वयोगटात मुलांच्या विभागात अथर्व भुते याने दोन सुवर्ण तर 14 ते 17 वयोगटात मुलींच्या विभागात तुलसी हिंडलगेकर हिने 2 सुवर्णपदके पटकावली.
सूर्यकांत हिंडलगेकर, योगेश कुलकर्णी, अनुष्का शंकरगौडा, शुभम साके, सक्षम जाधव, भरत पाटील, बसवंत चौगुले, अश्विनी चौगुले, रोहन देवणे यांनी या स्पर्धा यशस्वी करण्यासाठी विशेष परिश्रम घेतले.
