खेळाडूंना शिक्षकांबरोबरच पालकांनीही सहकार्य करणे गरजेचे – अखिल भारतीय क्रीडाभारती मंत्री प्रसाद महानकर
बेळगाव : अनगोळ येथील संत मीरा शाळेच्या माधव सभागृहात क्रीडाभारती उत्तर कर्नाटकाच्या वतीने कार्यक्रमाचे आयोजन करण्यात आले होते.यावेळी प्रमुख पाहुणे म्हणून अखिल भारतीय क्रीडा भारतीय संघटनमंत्री प्रसाद महानकर, विद्याभारती राजाध्यक्ष परमेश्वर हेगडे, क्रीडा भारती उत्तर कर्नाटकचे अध्यक्ष मुकुंद किल्लेकर, प्रशासक राघवेंद्र कुलकर्णी यांच्यासह अन्य मान्यवर उपस्थित होते.
यावेळी मान्यवरांच्या हस्ते दीपप्रज्वलन करून कार्यक्रमाचे उद्घाटन करण्यात आले. त्यानंतर क्रीडाभारती संघटनमंत्री प्रसाद महानकर यांचा शाल श्रीफळ आणि पुष्पगुच्छ देऊन सत्कार करण्यात आला. यावेळी बोलताना ते म्हणाले की क्रीडाक्षेत्राला वाव देण्यासाठी क्रीडाभारती कार्यरत आहे. खेळाडू संस्था, खेळाडू यांना एकत्र असे कार्य क्रीडा भारती देशभर करत आहे. भारताला जागतिक स्तरावर पोहचविण्याकरीता क्रीडा भारतीचे कार्य महत्वाचे असून खेळाडूंना प्रशिक्षकांबरोबरच त्यांच्या आई-वडिलांनीही सहकार्य करणे महत्त्वाचे असल्याचे प्रतिपादन त्यांनी यावेळी केले.
यावेळी आंतरराष्ट्रीय स्तरावर जलतरण स्पर्धेत उल्लेखनीय कामगिरी केलेल्या ऋतुजा पवार तसेच शरीरसौष्ठव व क्रिडा क्षेत्रात उल्लेखनीय कामगिरी केलेल्या खेळाडूंचा प्रमुख पाहुण्यांच्या हस्ते सत्कार करण्यात आला. तसेच महानगरपालिकेत नगरसेवक म्हणून निवडून आलेल्या व्यक्तींचा देखील या प्रसंगी सत्कार करण्यात आला.
यावेळी उपस्थित मान्यवरांनी क्रीडा क्षेत्राला सहकार्य करण्याचे आवाहन केले तसेच क्रीडा शिक्षकांना खेळाबद्दल जागृती करण्याबाबत मार्गदर्शन करून विद्यार्थ्यांना क्रीडा क्षेत्रात पुढे येण्यास प्रोत्साहन दिले.यावेळी कार्यक्रमाचे सूत्रसंचालन उमेश कुलकर्णी यांनी केले तर आभार सुजाता दप्तरदार यांनी मानले.
यावेळी कृष्णानंद कामत, मुख्याध्यापिका सुजाता दप्तरदार,उपमुख्याध्यापिका ऋतुजा जाधव, क्रीडाशिक्षक उमेश बेळगुंदकर युवराज हुलजी,विवेक पाटील, जयसिंग धनाजी, नितीन नाईक चंद्रकांत पाटील आर पी वंटगुडी,सचिन कुडची प्रवीण पाटील,अर्जुन भेकणे,रामलिंग परीट, रवी पाटील संजीव नाईक, मोहन पत्तार,ज्योती पवार यांच्यासह डायनामिक स्पोर्ट्स खेळाडू उपस्थित होते.
