 |
 |
 |
**”अग्रेसर भारत व्यासपीठातर्फे २१ कर्तृत्ववान महिलांना ‘तेजस्विनी संस्कृता पुरस्कार 2025’चा सन्मान”**
अग्रेसर भारत व्यासपीठातर्फे विविध क्षेत्रात कार्य करणाऱ्या महिलांना पुरस्कार महिला दिनानिमित्त पुणे येथे देण्यात येणार असून या पुरस्कारासाठी डाॕ. स्नेहा भागवत, दीनदयाळ विद्यालयाच्या संस्थापिका व समाज सेविका सौ. सिद्धी प्रभू परोब , विशेष शिक्षिका व समाज सेविका सौ. मंजिरी द. जोग , आणि संगीत विशारद ज्येष्ठ संगीत शिक्षिका सौ. संध्या (रोहिणी)कुलकर्णी (बेळगाव /गोवा दोन्ही ठिकाणी कार्यरत) यांची निवड करण्यात आली आहे. या महिलांना महिलादिन सोहळ्यात पुणे येथे “अग्रेसर भारत तेजस्विनी संस्कृता पुरस्कार 2025” ने गौरवले जाणार आहे.
अग्रेसर भारत व्यासपीठ या संस्थेची राष्ट्रीयत्व आणि राष्ट्राभिमान या दोहोंची जाणीव आणि जोपासना व्हावी तसेच देव देश व धर्माची प्रतिष्ठा वाढवण्यासाठी स्थापना झाली आहे. पुणे व महाराष्ट्राचा वैचारिक प्रबोधनाचा शतकानुशतकांचा असलेला सांस्कृतिक वारसा तसेच राष्ट्रीय चारित्र्य जपणे आणि राष्ट्रीय विचारांचे संगोपन करणे हे उद्दिष्ट गाठण्यासाठी विविध सामाजिक विषयांचे आणि विचारांचे मंथन समाजाच्या एकात्मतेसाठी व समाजाची एकात्मता वृद्धिंगत होईल अशाच पद्धतीने करण्यासाठी विविध सामाजिक, ऐतिहासिक, सांस्कृतिक, कार्यक्रमाचे व विविध व्याख्यानमाला आयोजन करण्यासाठी अग्रेसर भारत व्यासपीठ कार्यरत आहे.
श्री.विनित गाडगीळ (पुणे)हे अग्रेसर भारत संस्थेचे संस्थापक अध्यक्ष आहेत.
या वर्षी भारतातील आपापल्या क्षेत्रात उल्लेखनीय कार्य करणाऱ्या २१ महिलांना दि.८ मार्च २०२५ रोजी महिला दिन विशेष सत्कार व पुरस्कार देण्यात येणार आहे.
अतिशय जुनी परंपरा असणारे महर्षी धोंडो केशव कर्वे स्थापित पुणे येथील SNDT महिला विद्यापीठ व अग्रेसर भारत संस्थेतर्फे हा कार्यक्रम संपन्न होणार आहे
केंद्रीय राज्यमंत्री मा.मुरलीधर मोहोळ,विद्यापिठ कुलगुरू उज्वला चक्रदेव ,अग्रेसर भारतचे श्री.विनित गाडगीळ आणि महाराष्ट्रातील अनेक मान्यवर या कार्यक्रमात उपस्थित असतील.गोव्यातील सामाजिक सांस्कृतिक शैक्षणिक कला क्षेत्रात दर्जेदार कार्य करणाऱ्या चार महिलांना अग्रेसर भारत पुरस्काराने गौरवले जाणार आहे. गोव्यातील आयुर्वेद तज्ञ व समाज सेविका
महाराष्ट्र गोवा कर्नाटक गुजरात तसेच अनेक राज्यातील अशा कर्तृत्ववान महिलांचा सन्मान करताना अग्रेसर भारत संस्थेला अतिशय आनंद होत आहे असे संस्थेचे अध्यक्ष श्री. विनीत गाडगीळ यांनी सांगितले.
|
|
|
Independent Journalism Can’t Be Independent Without Your Support, Contribute By Clicking Below.
