पुन्हा एकदा बेळगांव मध्ये गोळीबार

बेळगाव जिल्ह्यात पुन्हा एकदा गोळीबार करण्यात आला आहे दोन भावंडांमध्ये झालेला वाद विकोपाला गेल्याने एकट्या भावाने हवेत गोळी झाडली आहे.

ऊस तोडणी वरून दोन भावांमध्ये भांडण झाले. या भांडणात श्रीशैल बालगौडा पाटील याने हवेत गोळी झाडल्या आहेत.

सदर घटना बेळगाव जिल्ह्यातील रायबाग तालुक्यातील सावसूद्दी गावात घडली असून दोन भावंडांच्या भांडणात श्रीशेलने हवेत दोन राऊंड फायर केले.

यावेळी झालेल्या भांडणात दोघांपैकी एकटा किरकोळ जखमी झाला असून त्याच्यावर रुग्णालयात उपचार करण्यात येत आहेत.

सदर घटनेची माहिती मिळताच हरोगेरी पोलिसांनी घटनास्थळी भेट देऊन पाहणी केली. आणि पुढील तपास हाती घेतला.

Independent Journalism Can’t Be Independent Without Your Support, Contribute By Clicking Below.