दक्षिणकाशी कपिलेश्वर मंदिरात अंगारिका संकष्टी निमित्त विशेष धार्मिक कार्यक्रम
बेळगाव : दक्षिणकाशी कपिलेश्वर मंदिरामध्ये आज (मंगळवार) अंगारिका संकष्टी निमित्त विविध धार्मिक विधींचे आयोजन करण्यात आले. सकाळी मंदिराचे अध्यक्ष राहुल कुरणे यांच्या हस्ते अभिषेक व आरतीने कार्यक्रमाची सुरुवात झाली. त्यानंतर गणहोमाला प्रारंभ झाला.
गणहोम पार पडल्यानंतर विशेष महाआरती करण्यात आली व उपस्थित भक्तांना प्रसादाचे वाटप करण्यात आले. यावेळी अभिजीत चव्हाण, विवेक पाटील, अजित जाधव, प्रथमेश कावळे, महेश सांबरेकर, अभी पवार, संजय मनगुतकर, अनिल मुतकेकर, दौलत जाधव, विनायक मनगुतकर, ज्योतिबा कावळे, रोशन नाईक आदी मान्यवर उपस्थित होते.
पौरोहित्याचे कार्य बेळगावचे सुप्रसिद्ध भडजी छत्रे गुरुजी व त्यांच्या विद्यार्थ्यांनी पार पाडले. अंगारिका संकष्टी निमित्त झालेल्या या धार्मिक सोहळ्याला भाविकांची मोठी उपस्थिती होती.
