 |
 |
 |
30 तारीखेच्या आत उसाला प्रति टन 3500 रु दर जाहीर करा. अन्यथा आम्ही मुख्यमंत्री बसवराज बोम्मई यांच्या बेंगळुरू येथील घराला घेराव घालू, असे ऊस उत्पादक संघटनेचे राज्य अध्यक्ष शांताकुमार कुरबुर यांनी इशारा दिला आहे
शनिवारी कन्नड साहित्य भवनात पत्रकार परिषदेत बोलताना ते म्हणाले की, मुख्यमंत्र्यांनी १० दिवसांपूर्वी दिलेल्या आश्वासनाप्रमाणे उसाच्या एफआरपी दरात वाढ, तोडणी मजूर आणि वाहतूक खर्चात कपात करण्याबाबत कार्यवाही करावी. असे सांगितले
त्यानंतर ते म्हणाले की, बेंगळुरूमध्ये 33 दिवसांपासून सतत उपोषण सुरू असून 26 तारखेपासून उपोषण करण्याचा निर्णय घेण्यात आला आहे.गेल्या चार महिन्यांपासून ऊस तोडणी करणाऱ्या साखर कारखान्यांनी उसाच्या एफआरपीचे पैसे शेतकऱ्यांना दिलेले नाहीत, काही कारखान्यांनी केवळ दिखावा करून तुटपुंजी रक्कम दिली आहे.
एफआरपीच्या नियमानुसार 14 दिवसांत पैसे द्यावेत, मात्र कारखान्यांनी नियमांची पायमल्ली करून हजारो कोटींहून अधिक रक्कम बेकायदेशीरपणे ठेवली आहे. याबाबत राज्य सरकारने कठोर कारवाई करावी, अशी मागणी त्यांनी केली.
तसेच ऊसाचा एफआरपी दर सद्यस्थितीत केंद्र सरकारने ठरवून दिलेला आहे, साखर उतार्‍यावरील घोर अन्याय दूर करावा, साखर नियंत्रण कायद्यात सुधारणा करण्याची मागणी विविध राज्यांतील शेतकरी नेते आणि खासदारांच्या शिष्टमंडळासह केंद्रीय कृषिमंत्र्यांना करण्यात आली. दिल्लीत नुकत्याच झालेल्या बैठकीत कृषीमंत्री नरेंद्र सिंह तुमर यांनी यावर गांभीर्याने विचार केला जाईल, असे ते म्हणाले.
याप्रसंगी प्रदेश उपाध्यक्ष सुरेश पाटील, जिल्हाध्यक्ष आ गुरुसिद्धप्पा कोटगी, शेतकरी नेते रमेश हिरेमठ, बसवराज मोकाशी, राज्य संघटन सचिव अठ्ठहल्ली देवराज, परशुराम एट्टीनागुड्डा, यल्लाप्पा कुलगोडू आदी उपस्थित होते.
|
|
|
Independent Journalism Can’t Be Independent Without Your Support, Contribute By Clicking Below.
